Dood un Liekengang

De Liekenwagen is en mit swatte Pierd bespannte Kassenwagen. Verheiradte Dode warden vun loos un leddige Mannslüüd dragen un ümgekehrt. De Sarg mütt över de Wagen-Breder up- un aflaadt warden. Up beide Sieden vun'n Sarg warden Strohballen packt, dat de Sarg nich to dull schüddelt. De Stroh-Wiepen warden an de Dörpscheid bi de Trüchfohrt daalsmeten, so dat de Dood nich so bald wedder in't Dörp trüchkümmt. Över den Sarg up'n Wagen ward een swattes Laken, de "Liekendeckers" utbreidt. Bi de Fohrt sitten "Truerdeerns up't Liek", de Röck vun hinnen över'n Kopp slaan. De Liekenwagen mütt eenen fastleggten Weg föhren, jümmer den sülvigen, ok wenn dat en Umweg is. An fastsette Steden ward anhalen, so an de "Hexeneik" twüschen Goldenbek un Pronstorf in't Segebargsche. Hier ward een Bund Stroh daalsmeten, dat up de Trüchfahrt wedder mitnahmen ward. Na een stilles "Vadderunser" geiht de Fahrt wieder.Unner Glockenlüden ward de Sarg dreemaal üm de Kark dragen, ehr dat he na de Roohsteed bröcht ward. Sülfstmörders warden nich dörch de Puurt dragen, de warden över de Muur schoven

antique, art, pronstorf, Klaus,  Niehusen,  Pronstorf, Antiquitäten, Holsteiner, Hofbank , Kunst, Ausstellungen, Biedermeier, Landhaus, Moebel,  Accessoires pronstorfer weihnacht weihnachtsmarkt pronstorf  gut rantzau